Periodo 3 - les 1

• Derecho humano
• Vocational Education

Periodo 3 - les 1

Derecho Humano

Contenido di periodo 3

Les 1	Habilidad di scucha. Siña kico ta derecho humano.
Les 2	Habilidad di lesa. Repaso di afirmacion y ponencia, argumento obhetivo y subhetivo.
Les 3	Habilidad di combersa. Argumento obhetivo (echo, autoridad, experiencia personal)
Les 4	Habilidad di papia. Crea un articulo nobo pa derecho humano.
Les 5	Habilidad di skirbi. Particion y structura di remetido.
Les 6	Habilidad di skirbi. Repaso particion y structura di remetido.
Les 7	Habilidad di skirbi. Repaso particion y structura di remetido.
Evaluacion	Habilidad di skirbi. Remetido

Na final di e les aki bo

• sa e kico kiermen derecho humano.
• sa cua ta e articulonan di derecho humano.
• por formula bo mesun pensamento tocante derecho humano.
• por contesta preguntanan tocante derecho humano.
• sa cua ta bo derechonan.

Kico abo ta compronde bou di derecho humano?

Derecho humano ta un derecho fundalmental cu tur hende tin, simplemente pasobra nan ta un ser humano. 

E derechonan aki ta universal, nan no por kita y nan ta pa tur hende mescos. No importa nan rasa, sexo, nacionalidad, idioma, religion of otro condicion personal.

E derechonan humano ta skirbi den e Declaracion Universal di Derecho Humano (adopta pa e Nacionnan Uni den 1948), y tambe den tratado internacional y ley di diferente pais.

Organizacion di Nacionnan Uni a crea un lista di 30 derecho humano, cu mester wordo respeta sin cu ta existi ningun sorto di discriminacion. Na prome lugar e Declaracion Universal di Derechonan Humano ta acentua cu “Tur ser humano ta nace liber y igual den dignidad y derechonan”.

Algun ehempel di articulo di derecho humano:

1. Derecho na bida.
2. Derecho na libertad di expresion.
3. Derecho na educacion.
4. Derecho na salud.
5. Derecho na igualdad sin discriminacion.
6. Derecho na trabou digno.
7. Derecho na libertad di pensamento y religion.