13 september

• Grieks
• Middelbare school
• vwo
• Leerjaar 4

Wat doen we vandaag?

• Bespreken tekst 18A, t/m 20. 
• Vertalen tekst 18A

Ἡ μήτηρ, ἐπελθοῦσα καὶ πιοῦσα τὸ αἷμα μέλαν,
αὐτίκα μ’ ἀνέγνω·

δακρύσασα γὰρ τάδε τὰ ἔπη εἶπεν·

‘Τέκνον ἐμόν, πῶς ἦλθες δεῦρο ζωὸς ὤν;

Χαλεπὸν γάρ ἐστι τοῖς ζωοῖς τάδε θεᾶσθαι.

Ἆρ’ ἐκ τῆς Τροίας ἐνθάδε ἀφίκου, ἀλώμενος πολὺν χρόνον;

Οὐδέ πω ἦλθες εἰς τὴν Ἰθάκην, οὐδ’ εἶδες τὴν γυναῖκά τε καὶ τὸν υἱὸν καὶ πᾶν τὸ ἔθνος;

Ἐγὼ δ’ αὐτῇ εἶπον·

‘Μῆτερ ἐμή, τὸ χρέος με κατήγαγεν εἰς Αἵδου, ὅτι ἔδει με Τειρεσίᾳ χρῆσθαι·

οὐ γάρ πω ἦλθον σχεδὸν Ἰθάκης, τῆς ἐμῆς γῆς, ἀεὶ ἀλώμενος καὶ πολλὰ πάθη πάσχων, ἐξ οὗ πρῶτον τῷ Ἀγαμέμνονι ἑσπόμην εἰς Ἴλιον.

Ἀλλ’ ἄγε, σὺ μὴ ψευδῆ ἀλλ’ ἀληθῆ τάδε μοι εἰπέ· πῶς σὺ ἀπέθανες;

Αὕτη δέ μοι ἀπεκρίνατο·

Ἐγώ, τέκνον ἐμόν, τῷ πένθει ἀπολλυμένη ἀπέθανον· οὕτω σφόδρα ἐπόθουν σε ...’

Ἐγὼ δὲ μετὰ ταῦτα ἐπειράθην τὴν ψυχὴν τῆς μητρὸς ἑλεῖν, προτείνων τὰς χεῖρας.

Τρὶς τοῦτο ἐπειράθην, τρὶς δ’ ἡ ψυχὴ ἐκ τῶν χειρῶν ἀπέφυγεν, ὁμοία σκιᾷ ἢ καὶ ὀνείρῳ ...

Ἐμοὶ δὲ τὸ πένθος ἔτι μεῖζον ἐγένετο καὶ ἐβόησα·

Μῆτερ ἐμή, τί οὐ μένεις με, ἐπιθυμοῦντά σε ἑλεῖν καὶ φιλεῖν;

Ἀλλ’ ἡ μήτηρ ἀπεκρίνατό μοι·

Τοῦτό γε, τέκνον ἐμόν, ἀδύνατόν ἐστιν.

Μετὰ γὰρ τὸν θάνατον οἱ θνητοὶ οὐκέτι σάρκας τε καὶ ὀστᾶ, οἷα πρὸ τοῦ θανάτου, ἔχουσιν,

τῷ δὲ κράτει τοῦ πυρὸς τὸ σῶμα διαφθείρεται
καὶ ἡ ψυχὴ ὥσπερ ὄνειρος ἀποπταμένη ἀποφεύγει.

Aan het werk. 

• Maak taaloefening 18A, A en B.

Dit is ook huiswerk.

Wat heb je vandaag geleerd?

Wat is nog onduidelijk?
Waar wil je meer over weten?