Tekst 2B

• Grieks
• Middelbare school
• vwo
• Leerjaar 2

εἰς ἑσπέραν ὁ Φίλιππος καὶ ἡ Ἀγαρίστη εἰς τὴν Λεβάδειαν μόλις ἧκον·

μάλα καματηροὶ ἦσαν.

ἡ οὖν Ἀγαρίστη ἐδάκρυσεν, οὐ λύπῃ ἀλλὰ χαρᾷ.

τῷ δὲ Φιλίππῳ ἀσμένη ἔλεξεν·

ὦ Φίλιππε, μάλα χαίρω, ὅτι ἐν καιρῷ εἰς τὴν Λεβάδειαν ἥκομεν.

αἱ γὰρ πύλαι ἔτι ἄκλῃστοί εἰσιν.

νῦν δ’ οἷόν τέ ἐστιν εἰς τὴν πόλιν εἰσβαίνειν καὶ ἔπειτα τὴν οἰκίαν τὴν τῆς ἀγαθῆς Τύχης τε καὶ τοῦ ἀγαθοῦ Δαίμονος ζητεῖν.

τοῖς δ’ ὁδοιπόροις οἷόν τέ ἐστιν ἐκεῖ καθεύδειν.

πολλὰς δ’ ὥρας καθεύδειν ἐν νῷ ἔχω.

ὁ δὲ Φίλιππος οὐδὲν ἔλεξεν, ἀλλὰ μόνον τῇ Ἀγαρίστῃ ἐπένευσεν.

ἔπειτα διὰ τῶν ἀκλῄστων πυλῶν διέβαινον, ἀλλ’ ὁ πυλωρὸς αὐτοὺς ἐκώλυσεν.

ὦ ξένοι, τίνες ἐστὲ καὶ πόθεν ἥκετε;

καὶ διὰ τί εἰς τὴν Λεβάδειαν ἥκετε; λέγετε δή.

ὁ δὲ Φίλιππος τῷ πυλωρῷ ἔλεξεν·

ἡμεῖς Φίλιππός τε καὶ Ἀγαρίστη ἐσμέν.

ἐκ δὲ τῶν Ἀθηνῶν ἥκομεν καὶ τὴν οἰκίαν τὴν τῆς ἀγαθῆς Τύχης τε καὶ τοῦ ἀγαθοῦ Δαίμονος ζητοῦμεν.

αὔριον γὰρ εἰς τὸ ἱερὸν τὸ τοῦ Τροφωνίου βαίνειν ἐν νῷ ἔχομεν.

τὴν γὰρ γνώμην τοῦ θεοῦ περὶ τῶν τέκνων ἀκοῦσαι ἐθέλομεν, μάλιστα δὲ περὶ τῆς κόρης. τυφλὴ γάρ ἐστιν.

ἐπειδὴ ὁ Φίλιππος ταῦτα ἔλεξεν, ὁ πυλωρὸς οὐκέτι ἐκώλυεν αὐτούς·

χαίρετε, ὦ ξένοι Ἀθηναῖοι, χαίρετε καὶ εἰσβαίνετε εἰς τὴν πόλιν.