Инновация

LessonUp student

Геймификация және виртуалды шындық: тиімді оқытудағы инновациялар

   ХХІ ғасыр ғылым мен білімнің қарыштап дамыған заманы. Цифрландыру заманында білім алудың да жолдары өзгерді. Білім беру жүйесінде оқу сапасын арттыру үшін жаңа әдістер мен технологиялардың енгізілуі өте маңызды мәселеге айналып отыр, яғни оқыту мен оқу жүйесінде өзгеріс енгізуді бүгінгі күн талап етуде. Бұл өзгерістердің басты мақсаты — білім сапасын арттыру, оқушылардың шығармашылық қабілеттерін дамыту және педагогтардың кәсіби деңгейін жоғарылату.

      Қазіргі заман мұғалімі тек өз пәнінің терең білгірі ғана емес, ақпараттық-коммуникациялық технологияны жетік меңгерген болуы тиіс. Қазіргі заманғы білім беруге қойылатын басты талап – сапалылық. Мұғалім заман талабына сай, білім беруде жаңалыққа жаны құмар, шығармашылықпен жұмыс істейтін, оқытудың жаңа инновациялық әдістерін шебер меңгерген жан болғанда ғана білігі мен білімі сапалы тұлға қалыптасады.  Бұл ретте инновациялық технологиялардың рөлі айрықша. Қазіргі уақытта әлемдегі білім беру жүйелері қарқынды түрде цифрлық трансформация кезеңінен өтіп жатыр. Оған қоса, соңғы жылдарда білім беру процесінде АКТ-лар, жасанды интеллект, виртуалды және қосымша шындық сияқты инновациялық құралдар кеңінен қолданыла бастады. Бұл өзгерістер оқу процесін жаңа деңгейге көтеріп, мұғалімдердің кәсіби біліктілігін арттыруға зор ықпал етеді.

    Қазіргі кезде ғылым мен техниканың дамуына байланысты жаңа терминдер пайда болып жатыр. Мысалы, жасанды интеллект, геймификация, блокчейн, виртуалды шындық, метаәлем, нейрондық желілер және тағы басқа ұғымдар күнделікті өмірімізге еніп келеді. Бұл терминдер түрлі салаларда қолданылып, жаңа мүмкіндіктер мен технологияларды түсіндіруге қызмет етеді.

Инновациялық технологиялар дегеніміз — педагогикалық процесті тиімді басқару және оқыту нәтижелерін жақсарту үшін қолданылатын жаңа әдіс-тәсілдер мен құралдар. Олар дәстүрлі оқыту әдістерімен салыстырғанда білім алушылардың танымдық белсенділігін арттыруға, ақпаратты тиімді қабылдауына және дағдыларды терең меңгеруіне ықпал етеді. Мультимедия-технологиялар, кейс-технологиялар, жобалық технология, ақпараттық технология т.б

     Жасанды интеллект - бұл адамның ойлау қабілетін, үйрену, шешім қабылдау, мәселелерді шешу, сөйлеу, тану және басқа да интеллектуалды функцияларды машина немесе компьютерлердің орындауы үшін әзірленген технологиялар мен алгоритмдердің жиынтығы. Жасанды интеллект адам миының жұмыс істеу принциптерін, әсіресе ойлау және қабылдау қабілетін модельдеуге бағытталған. Мәтінді аудиоға айналдыру үшін қолданылатын жасанды интеллект құралдары көп. 5 минутта дайын презентация, ҚМЖ жасап беретін жасанды инттеллект түрлері де бар

      Заманауи платформалар дегеніміз — технологиялар мен құралдардың жинағы, олар пайдаланушыларға белгілі бір қызметтер мен мүмкіндіктерді ұсынады. Бұл платформалар көбінесе технологиялық негізде жұмыс істейді, бірақ олар автоматты түрде ойлау немесе үйрену қабілетіне ие емес. Олар алдын ала бағдарламаланған ережелер мен алгоритмдерге негізделеді. Genially платформасы, LearningUpp, Lumio, Umaigra Wordwall т.б

    

     Сыныпта оқушылардың мотивациясын, оқытудың тиімділігін арттыру, ынталандыру, қызықтыра оқыту және әртүрлі тапсырмаларды шешу мақсатында біз қазіргі уақытта геймификацияны кеңінен қолданып жүрміз.

 Геймификация бүгінде жаһандық білім саласындағы үрдіске айналып келеді.   Геймификация – мұғалімнің де жұмыс процесін жеңілдететін құрал. 

    Ойын арқылы балаға материалды жеңіл түсіндіруге болады, білімге деген құштарлығын, ынтасын арттырады. Мұғалімнің уақытын үнемдеп, әр баламен жеке жұмыс істеуге көмектеседі. Жауапкершілік  балаға беріледі, баланы өз бетінше жұмыс істеуге ынталандыру, сол арқылы білімге құштарлығын арттыруға болады. Егер ойын-дар арқылы баланың өз махаббатын оята алса, мұғалім тек бағыт-бағдар мен оқу керек дереккөздерді ғана береді. Бала жауапкершілік алып, өзі ізденіп оқиды. 

    Қазіргі буын – тик-ток, youtube және инстаграмның буыны. Біз қаласақ та, қаламасақ та онлайн өмірге еніп кеткен. Оларға жаңа білімді ескі әдіспен ұсына алмаймыз, заманға сай жаңа құралдарды пайдалану керек. Қазір білім саласы ғана емес, кез келген бизнес, банктер, зауыттар  геймификацияны қолданады. Өмірімізге геймификация әбден енген. Одан қаша алмаймыз, керісінше өз игілігіміз үшін пайдалану керек

Сабақта ойын элементтерін
қандай мақсатта қолданамыз?

Зерттеулерге сүйенсек, ойын өнімділікті 50%-ға, ал ынтаны 60%-ға арттырады екен. Ойын барысында балалар күтпеген жерден ашылады. Мысалы, тыныш отыратын, білімге деген құштарлығы жоқ бала ойын барысында керемет қабілетті және жақсы стратег болып шығуы мүмкін. Ойын арқылы білімге құштарлығы оянып, өзін-өзі бағалауы артады, нәтижесінде оқушы білімге ұмтылады.

       Сондықтан, оқушының пәнге деген қызығушылығын, мотивациясын, сабақтың тақырыбын тереңірек түсінуі және танымдық қызығушылығын арттыру мақсатында геймификацияны қолдану өте тиімді.

Қандай ойын платформаларын қолданасыздар?

Заманауи платформалардың
басты ерекшелігі неде?

1. Олар тек дәстүрлі оқыту әдістерін қолданады
2. Олар тек тексеру мақсатында қолданылады
3. Олар автоматты түрде ойланбайтын жүйелер болып табылады
4. Олар оқушылардың жеке тұлғасын дамытуға бағытталған

Интерактивті тақта мен
мультимедиялық құралдар сабақта қалай қолданылуы мүмкін?

1. Оқушылардың сабаққа қатысуын азайтады
2. Сабақ материалын қызықты әрі түсінікті етуге көмектеседі
3. Оқушыларға ақпаратты тек жазбаша түрде ұсынады
4. Оқушыларға тек теориялық білім береді

Геймификацияның қандай кемшіліктері болуы мүмкін?

1. Сабаққа белсенді қатысуын қамтамасыз ете алмайды
2. Кейбір оқушы сыйақы әкелмейтін тапсырмаларды орындауға деген қызығушылығын жоғалтуы мүмкін
3. Ойындар оқушыға нақты мақсаттар бермеуі мүмкін
4. Материалды ойын түрінде беруге дағдыланған оқушы оқытудың дәстүрлі түрлерін қабылдамауы мүмкін

Қорытынды:

геймификацияның болашағы

Оқушының пәнге деген қызығушылығын, мотивациясын, сабақтың тақырыбын тереңірек түсінуі және танымдық қызығушылығын арттыру мақсатында Геймификацияны қолдану өте тиімді. Геймификация процесінде оқушылар белсенді болады, тіпті күрделі тақырыптың өзін де оқушы қызықты әрі жеңіл түрде қабылдайды. Геймификация - бұл сабаққа ойын элементтерін қосу ғана емес, білім беру мақсаттарына жетуге ықпал ететін ойын ортасын құру. Трендтердің бұл даму бағыттары болашақта тағы да жаңа мүмкіндіктер мен инновациялар ашып, ойын мен ойын емес элементтерін біріктіруді жалғастырады.

Құрметті ұстаздар! Оқу процесі ешқашан бірсарынды болмайды егер оны ойынға айналдырсақ.

ОҚЫҢЫЗДАР! ОЙНАҢЫЗДАР! ТАБЫСҚА ЖЕТІҢІЗДЕР!