Argumentacion

• Papiamento
• Tertiary Education

Argumentacion

Papiamento 2 

Presentacion/ debate

Kico segun bo ta argumentacion?

Argumentacion 

Punto di bista/ opinion di un persona riba un declaracion. 

E persona ta uza argumentacion pa apoya of sostene su declaracion. 

Asina esun cu ta scucha of lesa por acepta mas lihe e punto di bista. 

Bo ta haci uzo di argumentacion tur dia?

No

Si

Ehempel

Giovanni: "Papa, ami cu Iris kier bay St. Maarten hunto den vakantie grandi. Nos lo keda cerca un amiga di Iris. Su mayornan no ta bay vakantie e aña aki y ami no tin gana di bay cu boso Isla di Margarita atrobe."

Papa:"Esta bon, no! Anto bo a pensa sigur cu ami y bo mama lo bay di acuerdo cu bo plan."

Giovanni: "Pero, Papa, dicon no?"

Papa: "Bo a caba di conoce Iris. Segun mi, boso no conoce otro ni un luna. Ademas, boso ta mucho jong ainda. Bo ta bay gewoon cu nos Isla di Margarita den luna di juli, manera nos a palabra." 

Giovanni: "Si, pero..."

Papa: "Nada di pero. Purba aki dos aña atrobe." 

Argumentacion

Nos a caba di mira un dialogo entre tata y yiu. 

Giovanni ta di opinion cu e ta suficientemente grandi pa por bay cu vakantie sin su mayornan. 

Su punto di bista ta,pues, cu su mayornan lo dun'e permiso pa bay St. Maarten vakantie cu su amiga. 

Pa convence su tata, e ta compaña su peticion cu algun argumento. 

E tata, na su turno, tambe, a bini cu algun argumento pa apuya su opinion of punto di bista. 

Pro y contra

Pro (di Giovanni): 

1. Iris su mayornan no ta bay cu vakantie

2. Mi no tin gana di bay Isla di Margarita atrobe

Contra(di e tata): 

1. Boso conoce otro mucho tiki tempo

2. Boso ta mucho jong

3. Nos a palabra e vakantie na Isla di Margarita caba. 

Argumento obhetivo y subhetivo

Bo ta uza argumento pa haci loke bo ta bisa aceptabel pa esun cu ta scucha of lesa. 

Si bo kier pa e persona acepta y compronde bo punto di bista, bo mester percura pa bo argumento ta bon y fuerte suficiente. 

Den e caso di Giovanni y su tata, ken su argumento bo ta kere cu tin mas peso?

1. Giovanni
2. Su tata

Argumento obhetivo

Argumento obhetivo ta ora bo ta argumenta a base di echo (feiten, facts). 

Bo por verifica esaki. 

Cualkier hende por haya e fuente for di cua a saca nan. 

Por haya argumento obhetivo den rapport di Oficina Central di Estadistica, Estudio cientifico, buki di historia etc...

Ta yama argumento obhetivo generalmente prueba. 

Ehempel

"Papiamento tambe ta un materia obligatorio na scol avansa. E ta un di e materianan obligatorio den klas 1 te 3 y por scog'e di aña 4 padilanti, como material di escogencia of como materia di profiel." 

Aki ta trata di un argumento obhetivo, pasobra por verifica esaki den ley di scol avansa. 

Tipo di argumento obhetivo

• Echo
  
• Autoridad 
  
• Experiencia 
  

Dicon mester sigui regla di trafico?
Menciona 1 argumento di echo, 1 di autoridad y 1 di experiencia.

Tipo di argumento

E argumentonan cu un persona ta uza ta diferente, pa loke ta trata nan forsa di conviccion. 

Ehempel: 

Polis: "Hoben, bo tabata core demasiado duro."

Hoben: "Si, mi sa, pero mi ta yega mi trabou laat, si mi core pocopoco."

Polis: "Mi ta compronde esey, pero riba e caminda aki bo no por core mas cu 50 KM." 

Tipo di argumento

Argumento di e polis ta mas fuerte cu esun di e hoben, pasobra e ta basa riba un prohibicion den ley.  Su argumento ta obhetivo. 

E argumento di e hoben tin menos forsa di conviccion, pasobra e ta subhetivo. e ta basa riba circunstancia personal. 

Echo 

Ta uza echo como argumento. 

Ehempel: 

Punto di bista: Nivel deportivo ta subiendo na Aruba.

Argumento: E ultimo añanan nos deportistanan a briya den pais stranhero den casi tur ramo di deporte. 

*E argumento uza den e ehempel aki pa apoya e punto di bista ta verificabel, pasobra por consulta cu e paginanan deportivo di e corantnan local. 

Autoridad 

Ta uza autoridad di otro hende como argumento. 

Ehempel:

Punto di bista: Enseñansa obligatorio mester yega te na edad di 18 aña.

Argumento: Nos propio Minister di Enseñansa a caba di convence Parlamento di esaki. 

Autoridad ta un persona di cua tur hende ta asumi/ admiti cu tin e conocemento di e materia en cuestion. 

Experiencia

Ta uza experiencia personal como argumento. 

Ehempel:

Punto di bista: Ta miho bo laga un agencia di empleo regla bo vakantiejob pa bo. 

Argumento: Aña pasa mi tambe a hacie; mesora mi a haya un trabou y cu masha bon pago. 

*E persona a uza experiencia propio pa apoya su punto di bista den e prome frase. 

Bo tin di paga bo cuenta di telefon tur luna! Ki tipo di argumento esaki ta?

1. Argumento obhetivo
2. Argumento subhetivo

Argumento subhetivo

Tur otro tipo di argumento ta subhetivo, pasobra no por verifica e tipo di argumentonan aki. 

Como cu no por demostra exactitud di e tipo di argumentonan aki, ta yama nan argumento a base di creencia of argumento a base di intuicion of conviccion. 

Tipo di argumento subhetivo

• Ehempel
  
• Comparacion
  
• Emocion 
  

Educacion na EPI mester ta pornada.
1 argumento subhetivo di ehempel, emocion y comparacion

Ehempel

Un persona ta uza ehempel, cu el a pasa aden como argumento. 

Ehempel: 

Punto di bista: Si bo kier pertenece na un grupo, bo mester cumpli cu cierto norma cu tin di haber cu bo aparencia

Argumento: Tempo mi tabata na scol secundario, bo mester a bisti bell-bottom y afro, si bo kier a pertenece na e grupo di hoben admira. 

Comparacion

Ta uza comparacion como argumento

Ehempel: 

Punto di bista: No tin sentido pa prohibi benta di droga. 

Argumento: Merca tampoco no a logra caba cu uzo di alcohol, cu prohibicion di su uzo den pasado. 

Emocion

Ta uza emocion como argumento.

Ehempel: 

Punto di bista: Mi a haya e ultimo buki di Lasana Sekou hopi interesante. 

Argumento: Mi por identifica mi mes cu mayoria di e asuntonan cu e ta trece padilanti. 

"Mi tin un Ferrari unico; mi ta concider'e un obra di arte, pues, mi no ta haya cu mi tin cu paga impuesto p'e." Ki tipo di argumento esaki ta?

1. Argumento obhetivo
2. Argumento subhetivo

Contesta

"Mi tin un Ferrari unico; mi ta concider'e un obra di arte, pues, mi no ta haya cu mi tin cu paga impuesto p'e." 

E argumento aki ta subhetivo, pasobra e doño di e Ferrari ta haya cu e no mester paga impuesto, pero Hues ta bisa cu e auto ta un articulo di uzo, pues e mester paga impuesto manera tur otro hende. 

Argumento 

Mayoria biaha ta uza e palabranan di señal pasobra y pa motibo cu pa indica cu ta bin un argumento.

Entrega

Bo mester entrega e formulario cu boso topico riba dje, e 4 preguntanan y 2 argumento (por bira mas).