25 mei

• Grieks
• Middelbare school
• vwo
• Leerjaar 2

Wat doen we vandaag?

• Vragen oefeningen 2C
• Bespreken 2D
  
• Vertalen 2D

τῇ δὲ τετάρτῃ ἑσπέρᾳ ὁ Φίλιππος καὶ ἡ Ἀγαρίστη τὴν τελευταίαν θυσίαν ἔθυσαν.

ἐπεὶ δ’ ὁ ἱερεὺς κριὸν καλὸν ἔσφαξεν, τὰ σπλάγχνα τοῦ κριοῦ ἀκριβῶς ἐξήταζεν·

τὰ δὲ σπλάγχνα δεξιὰ ἦν.

ὁ οὖν Φίλιππος καὶ ἡ Ἀγαρίστη ηὐτύχησαν.

τῷ μὲν οὖν Φιλίππῳ νῦν ἐξῆν εἰς τὸν τῶν δρακόντων βόθρον καταβαίνειν, οὗ ὁ Τροφώνιος τὰς τύχας προέλεγεν, τῇ δ’ Ἀγαρίστῃ οὔ.

δύο θεράποντες οὖν τὸν Φίλιππον εἰς τὸν ποταμὸν τὴν ῞Ερκυναν προέπεμψαν, οὗ δύο κοῦροι αὐτὸν ἔλουσαν.

οἱ δ’ ἐπιχώριοι τοὺς κούρους Ἑρμᾶς ὠνόμαζον, ὅτι οἱ
κοῦροι τοὺς ἀνθρώπους ἐπὶ τὸν τῶν δρακόντων βόθρον
προέπεμπον, ὥσπερ ὁ Ἑρμῆς τὰς ψυχὰς εἰς τὸν Ἅιδην.

ἐπεὶ οὖν οἱ Ἑρμαῖ τὸν Φίλιππον ἔλουσαν καὶ ἐλαίῳ ἔχρισαν, εἰς δύο κρήνας προέπεμπον αὐτόν·

πρῶτον μὲν εἰς τὴν τῆς Λήθης κρήνην, ἔπειτα δ’ εἰς τὴν τῆς Μνημοσύνης.

ἐξ ἀμφοτέρων γὰρ ἔδει πίνειν.

μετὰ ταῦτα εἰς τὸ τοῦ Τροφωνίου ἱερὸν προέπεμπον αὐτὸν καὶ κλίμακα ξυλινὴν ἔφερον.

τῇ γὰρ κλίμακι ἔδει εἰς τὸν τῶν δρακόντων βόθρον καταβαίνειν.

ὁ δὲ Φίλιππος αὐτὸς μάζας μελιχρὰς τοῖς δράκουσιν ἔφερεν.

ἀλλ’ αἰαῖ, οὐκ ἔξεστι λέγειν, ὅ τι ἐν τῷ βόθρῳ ἐγένετο.

εἰ γάρ τις τὰ τοῦ Τροφωνίου μυστήρια ἀποκαλύπτει, θανάτῳ κολάζεται, ὡς λέγουσιν.

ἀλλὰ δῆλόν ἐστιν ὅτι μετὰ τὴν κατάβασιν τὴν εἰς τὸν βόθρον ὁ Φίλιππος οὐκέτι ἐγέλασεν.

Aan het werk.

• Vertaal 2D.
• Maak A en B. 
• Leer de woordjes van Serie 1 en 2ABCD.