b. Britannicus voelt zich gepasseerd

• Latijn
• Middelbare school
• vwo
• Leerjaar 5

Annales XIII, 15.1-3

Britannicus voelt zich gepasseerd

Turbatus his Nero et propinquo die, quo quartum decimum aetatis annum Britannicus explebat, volutare secum modo matris violentiam,

modo ipsius indolem, levi quidem experimento nuper cognitam, quo tamen favorem late quaesivisset.

festis Saturno diebus inter alia aequalium ludicra regnum lusu sortientium evenerat ea sors Neroni.

igitur ceteris diversa nec ruborem adlatura:

ubi Britannico iussit exsurgeret progressusque in medium cantum aliquem inciperet,

inrisum ex eo sperans pueri sobrios quoque convictus, nedum temulentos ignorantis, ille constanter exorsus est carmen,

quo evolutum eum sede patria rebusque summis significabatur.

unde orta miseratio, manifestior quia dissimulationem nox et lascivia exemerat.