28 november

• Grieks
• Middelbare school
• vwo
• Leerjaar 3

Wat doen we vandaag?

• Bespreken 9B, t/m 10. 
• Vertalen 9B. 

Ὁ Ἀχιλλεὺς τοὺς τρεῖς ἀγγέλους φιλότητι μεγάλῃ ἐξένιζεν·

Χαίρετε, ἄνδρες· φίλτατοι γάρ ἐστέ μοι! Δεῦρο καθίζετε.

Ἔπειτα δὲ τῷ ἑταίρῳ Πατρόκλῳ ἔλεγεν·

Ἄγε δή, Πάτροκλε, μείζονα κρατῆρα δεῦρο κόμιζε,
οἶνον δὲ καὶ σῖτον πάρεχε τοῖς φίλοις ἀνδράσιν.

Μετὰ δὲ τὸ δεῖπνον Ὀδυσσεὺς ἔλεγεν·

Χαῖρε καὶ σύ, ὦ Ἀχιλλεῦ. Τὸ μὲν δεῖπνον ἡμῖν ἀρέσκει!

Ὅμως δ’ οὐ τὸ δεῖπνον μέλει ἡμῖν, ἀλλ’ ἄλλο τι, τὰ δεινὰ παθήματα τὰ τῶν Ἀχαιῶν!

Ἤδη γὰρ ἐγγὺς τοῦ στρατοπέδου πάρεισιν οἱ Τρῶες καὶ τὰ πλοῖα πυρὶ ὀλοῷ καίειν μέλλουσιν!

Ὦ φίλτατε Ἀχιλλεῦ, μηκέτι σκληρὸς ἴσθι, ἀλλ’ ἐλέει ἡμᾶς·

ὁ γὰρ Ἀγαμέμνων ἕτοιμός ἐστι τὴν παῖδα Βρισηΐδα
ἀποπέμπειν, δῶρα δὲ καλὰ καὶ ἄξια παρέχειν!

Ὁ δ’ Ἀχιλλεὺς τὰ σώφρονα βουλεύματα ἤκουε καὶ ἔλεγεν·

‘Μὴ λέγετέ μοι, φίλοι, περὶ δώρων! Ἐχθρὰ δέ μοι τὰ δῶρα!

Μὴ δὴ ἄφρονες ἔστε· οὐ γὰρ ὑμεῖς οἷοί τέ ἐστε ἐμὲ πείθειν!

Οὐδ’ Ἀγαμέμνων· ἐμοῦ γὰρ τὸ ἐμὸν γέρας ἀφῄρει!

Οὐκέτι δὴ ἡ μάχη ἡ ὑμετέρα μέλει μοι, ἀλλ’ ὁ ἡμέτερος νόστος·

ἡ γὰρ Θέτις, ἡ ἐμὴ μήτηρ, τόδε μοι προὔλεγεν·

Εἰ μὲν σύ, Ἀχιλλεῦ, οἴκαδε ἥκεις, βίος ἐστί σοι εὐδαίμων καὶ
μακρός·

εἰ δὲ μένεις καὶ ἀμφὶ τὸ Ἴλιον πολεμεῖς, νέος μὲν ἀποθνῄσκεις, δόξα δ’ ἀθάνατος σοί ἐστιν!

Νῦν δή μοι ὁ νόστος καὶ ὁ βίος ὁ μακρὸς ἀρέσκουσιν.

Ἀποβαίνετε οὖν καὶ ἀγγέλλετε τοῦτο τῷ Ἀγαμέμνονι.’

Aan het werk. 

• Vertaal 9B. 

Dit is ook huiswerk. 

Daarnaast: leer de woordjes en grammatica van 8A, B, C en 9A en B.

Wat heb je vandaag geleerd?

Wat is nog onduidelijk?
Waar wil je meer over weten?