Dinsdag 16-2

• Latijn
• WO
• Studiejaar 6

p 134 regel 30-32
Opinor enim esse in lege quam ad diem proscriptiones venditionesque fiant, nimirum kalendas Iunias. Aliquot post menses et homo occisus est et bona venisse dicuntur.

p 134 regel 32-35
Profecto aut haec bona in tabulas publicas nulla redierunt nosque ab isto nebulone facetius eludimur quam putamus, aut, si redierunt, tabulae publicae corruptae aliqua ratione sunt; nam lege quidem bona venire non potuisse constat.

p 134 regel 35-39
Intellego me ante tempus, iudices, haec scrutari et propemodum errare qui, cum capiti Sex. Rosci mederi debeam, reduviam curem.
Non enim laborat de pecunia, non ullius rationem sui commodi ducit; facile egestatem suam se laturum putat, si hac indigna suspicione et ficto crimine liberatus sit.