Ik kies Frysk!

• Frysk
• Middelbare school
• vmbo k, g, t, mavo
• Leerjaar 3

Ik kies Frysk!

Om't it megahandich is foar letter!

75% fan jim bliuwt yn Fryslân  wenjen en wurkjen

54% fan de bedriuwen komt faak oant hiel faak yn kontakt mei it Frysk

Elkoars taal ferstean of prate soarget foar in bettere relaasje én resultaten.

Ut ûndersyk docht bliken: Frysk is in pree yn sektoaren as de soarch, ûnderwiis, winkels, buorkerij, befeiliging, plysje, technyk, ensfh. 

Om't it oer dysels giet

Dyn taal heart by dy. It is in part fan wa'tsto bist. Oft dat no Frysk, Nederlânsk, Arabysk of Papiamentû is. 

It fak Frysk biedt romte oan ferskillende talen fan it hert.

Taal ferbynt. Elk hat ommers in taal fan it hert. Yn watfoar taal dreamsto? Telsto? Bisto lilk? Sjongsto? Appsto? 

It Frysk heart by de Friezen. Mar wat witsto eins oer it Frysk en (de skiednis fan) Fryslân?
Meitsje it dy eigen en lear mear!

Om't it neist taal ek oer kultuer giet

En kultuer stiet foar muzyk, teäter, films, ferhalen, flochs, poëzy, útstapkes, skiednis, eveneminten, lânskip, sport en mear!

SjONG!
FeRstival 

LêsNo

LinKk magazine

Om't meartalich wêze foardielen hat

Do learst flugger mear talen.

Do bist taalgefoeliger en taalbewuster.

Do hast in positivere hâlding tsjinoer oare talen en kulturen.

Do kinst dy better konsintrearje.

Do kinst better abstrakt tinke.

Goeie redenen om dyn meartaligens nei in heger plan te tillen!

Om'tst mear learst oer de wrâld

Troch mear te learen oer oare talen, learst mear oer de wrâld.

In minderheidstaal unyk foar Fryslân?
Echt net! Neist de 24 grutte talen wurde
der yn Europa 60 lytsere talen yn praat!

Troch mear oer dysels te learen, witst better wa'tst wêze wolst yn de wrâld. 

Wat kinst ferwachtsje?

• DOCH! Projektûnderwiis. Per projekt mei in groepke wurkje oan in kreatyf einprodukt, passend by de taaldomeinen.
  
  
• LEAR! Selsstannich en op eigen tempo en nivo Fryske taalfeardigens leare, en oefenje foar it eksamen.
  
  
• UNDERSYKJE! Yn de boppebou dogge learlingen ûndersyk nei ferskate ûnderwerpen oer de Fryske taal, kultuer en skiednis.
  

1. Taal fan myn hert (keppeling mei dysels)
   
   
2. Frysk yn bedriuw (keppeling mei praktyk)
   
   
3. Magazine meitsje (keppeling mei belibbingswrâld)
   
   
4. Praat mar Frysk (keppeling mei omjouwing)
   
   
5. SjONG/FeRstival (keppeling mei kulturele eveneminten)
   
   
6. It moaiste boek/Lêsklup (keppeling mei literatuer)
   
   
7. Wikiwomen (keppeling mei kultuer/skiednis)
   
   
8. Fryslânkunde (keppling mei sport/natuer)